ᲨᲔᲛᲝᲓᲒᲝᲛᲘᲡ ᲗᲐᲘᲒᲣᲚᲘᲡ ᲕᲝᲠᲥᲨᲝᲞᲘ

შემოდგომა ფერებისა და ტექსტურების სეზონია. ამ ვორქშოპზე საკუთარი ხელით ააწყობთ შემოდგომის თაიგულს და ამავე დროს ისწავლით, როგორ შექმნათ ჰარმონიული კომპოზიცია, როგორ ახდენს გავლენას ფერები ჩვენს განწყობასა და ემოციებზე და როგორ მოუაროთ ყვავილებს, რომ დიდხანს დარჩეს თქვენი ინტერიერის ნაწილად.

ჯგუფი მცირეა, ატმოსფერო მყუდრო, ამიტომ თაიგულის აწყობა უბრალო პროცესზე მეტი იქნება. ეს იქნება დრო, როცა ყველაფერს გვერდზე გადადებთ და საკუთარ თავს დაუთმობთ. ყვავილებთან მუშაობა კარგი თერაპიაა: ხელები დაკავებულია, გონება ისვენებს და შედეგი ლამაზია.